Hewlêr (Rûdaw) - Hat ragihandin ku li navçeya Serê Kaniyê ya Rojavayê Kurdistanê ser sînorê Tirkiyê, cendirmeyên Tirkiyê 5 welatiyên Sûrî dema dixwestin derbasî aliyê Tirkiye bibin desteser û ew îşkence kirine û di encam de birîn û şikandin di laşên wan de çêbûne.
Li gor Rewabgeha Sûrî ya Mafên Mirov, roja 24ê Cotmehê, li ba gundê el-Ezîze li rojavayê bajarê Serê Kaniyê yê Rojavayê Kurdistanê, cendirmeyên Tirkiye 5 welatiyên Sûriyeyî dema dixwestin derbasî aliyê Tirkiye bibin desteser kirine, ew dan ber lêdan û îşkencekirinê û di encam de birîn û şikandin di laşên wan de çêbûne.
Roja 18ê Îlona borî jî, ciwanekî Ereb ji gundê Ziyanatê yê başûrê Hesekê dema dixwest derbasî aliyê Tirkiye bibe, li ba gundê el-Ezîze li rojavayê Serê Kaniyê ji aliyê cendirmeyên Tirkiyê ve hatibû deserkirin û ji ber îşkencekirina zêde canê xwe jidest dabû.
Roja 9ê cotmeha 2019an, artêşa Tirkiyê, ligel grûpên çekdar ên opozisyona Sûriyê êrîşî herdu herêmên Serê Kaniyê û Girê Spî yên Rojavayê Kurdistanê kirin. Piştî dagîrkirina herdu herêman, hêzên Tirkiyê û çekdarên opozisyon dest bi girtina welatiyan kirin ku çarenivîsa bi dehan ji wan heta niha ne diyar e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse