Kosret Resûl li Kerkûkê derbarê referandumê de daxuyanî da.
Kerkûk (Rûdaw) - Cîgirê Yekemê Sekreterê Giştî yê YNKê Kosret Resûl Elî ragihand, Kerkûk klîda çareseriya doza Kurd e û tekez kir: “Berpirsatiya me hemûyan e ku em Kurdistanîbûna Kerkûkê û hemû deverên din bo cîhanê îsbat bikin.”
Kosret Resûl Elî êvariya îro 24ê Îlona 2017ê li bajarê Kerkûkê derbarê rewşa dawî ya li Kerkûkê û encamdana referandumê li vê parêzgehê de konfranseke rojnamevanî pêk anî.
Kosret Resûl Elî ragihand, mafê diyarkirina çarenivîsê mafekî rewa yê Gelê Kurdistanê ye û “bo vî mafê bi hezaran xortên vî niştimanî (Kurdistanê) xwîna xwe dane.”
Kosret Resûl da xuyakirin: “Referandum li Kerkûkê û tevahiya deverên Kurdistanî pêngaveke gelek mezin û giring e.”
Kosret Resûl amaje bi giringiya beşdariya Kerkûkê di referandumê de kir û got: “Her weke Mam Celal gotî, klîda çareseriya doza Kurd, Kerkûk e û tenê Kerkûk e.”
Cîgirê Yekemê Sekreterê Giştî yê YNKê daxwaz li tevahiya xelkê Kurdistanê û Kerkûkê kir ku biçin ser sindoqên dengdanê û bê ciyawaziya siyasî, olî û netewî û nevçeyî beşdarî di referandumê de bikin.
Kosret Resûl Elî bi gotina, divê em hemû li Kerkûkê tevli referandumê bibin, destnîşan kir: “Berpirsatiya me hemûyan e ku em Kurdistanîbûna Kerkûkê û hemû deverên din bo cîhanê îsbat bikin.”
Agahî tên nûkirin...
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse