Hewlêr (Rûdaw) - Li bajarê Serêkaniyê 2 endamên PDK-Sê hatin girtin û emîndariya giştî ya ENKSê daxwazê ji hêz û aliyên Kurdistanî dike ku PYDê bixin bin guvaşê, ji bo ku girtina siyasî li Rojavayê Kurdistanê bi dawî bibe.
Çavkaniyekê ji nav Partiya Demokrata Kurdistan-Sûriye, ji Tora Medyayî ya Rûdawê re ragihand, ku duh roja Duşemê demjimêr 11 sibehê, her du endamên PDK-Sê Ebdilhemîd Xelîl Bavê Zal û Ebdilmecîd Sîdo ji aliyê hêzên Asayişa Rêveberiya Xweser ve li bajarê Serêkaniyê hatin girtin.
Bi gotina wan çavkaniyan, heta niha jî ew her du endamên PDK-Sê girtî ne.
Ji aliyê xwe ve, Emîndariya Giştî ya ENKSê, daxuyanieyeke nivîskî belav kir û têde ragihand, ku girtina endam û alîgirên ENKSê di demekê de ye, ku daxwaza yekrêziya hêz û aliyên Kurdî li Sûriyê û Rojavayê Kurdistanê tê kirin.
ENKSê di daxuyaniya xwe de daxwazê ji hêz û aliyên Kurdistanî, saziyên civakî û tavhiya kes û aliyên demokrasîxwaz dike, ku zextê li PYDê bikin, daku dest ji vê siyaseta xwe li hember ENKSê berde.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse