Rûdaw
Amed (Rûdaw) - Piştî êrîşa Pirsûsê li Bakurê Kurdistanê li Tirkiyeyê pêvajoyeke nû dest pê kir. Tirkiyeyê bi balafiran êrîş bir ser baregehên DAIŞê û li 16 bajaran jî li hemberî HDPî û ESPiyan dest bi operasyonên binçavkirinê kir.
Hin karsazên Bakurê Kurdistanê ji van operasyonan û helwesta hikûmetê dilgiran in. Karsazan ji Amedê banga aştiyê li hikûmetê kir.
Serokê Odeya Bazirganiyê ya Amedê Ehmed Sayar ji Rûdawê re derbarê vê yekê de wiha got:
“Piştî hilbijartinê pêvajoya aştiye hate sekinandin. Divê mutabaqata Dolmabahçeyê bi cih were û pêvajoya aştiyê careke din dest pê bike.”
Karsaz dixwazin ji bo careke din pêvajoya aştiyê dest pê bike û hikûmet bi PKKê re rûnê û Rêberê PKKê Abdullah Ocalan jî divê careke din bikeve dewrê.
Karsaz Celalettîn Bîrtane jî anî ziman ji bo ku PKK careke din dest bi şerê çekdarî neke û wiha domand:
“Divê hikûmet gav bavêje û pêvajoya aştiyê bibe serî. Birêz Ocalan ji aktoreke girîng ê vê pêvajoye yê. Ji ber vê yekê jî divê bi Ocalan re hevdîtin pêk were.”
Li gorî karsazan eger pêvajoya aştiyê bi ser nekeve û hikûmet jî operasyonên xwe nerawestîne hem kurd û hem jî tirk dê hem di qada siyasî û hem jî di qada aboriyê de wenda bikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse