Termê Kubrayê di Çemê Zapê de hat dîtin
Hewlêr (Rûdaw) – Termê jina bi navê Kubra Gultekîn a 20 salî di Çemê Zapê de hat dîtin.
Tê gotin ku Kubrayê şeva borî derdora saet 22:00yan xwe avêtiye Çemê Zapê.
Li gorî nûçeya DHAyê, hinek kesan dîtiye ku Kubrayê xwe ji dûlêreke bi qasî 150 metreyî bilind avêtiye çem û wan agahî daye aliyên pêwendîdar.
Piştî xeberdayînê tîmên lêgerîn û rizgarkirinê çûn cihê bûyerê.
Tîm heta serê sibehê di nav ava çêm de li Kubrayê geriyane û termê wê îro ji aliyê noqavan ve hatiye dîtin.
Tîmên tenduristiyê cenazeyê Kubraya 20 salî ji bo kar û barên otopsiyê veguhast Nexweşxaneya Dewletê ya Colemêrgê.
Li hêla din, hêzên ewlehiyê li ser bûyerê dest bi lêpirsînê kir.