Hewlêr (Rûdaw) - Li Başûrê Kurdistanê cerdevanek li herêma “operasyona Pence Kilîdê” di encama teqîna teqemeniyê de mir.
Wezareta Parastinê ya Tirkiyeyê ragihand ku 22yê Gulanê li herêma “operasyona Pence Kilîdê” leşkerê wan ê bi navê Vedat Zorba yê 26 salî û cerdevanê bi navê Yahya Yildizê 27 salî di encama teqînekê de mirine.
Wezaretê diyar kir ku wan 23yê Gulanê termê Yahya Yildiz biriye navçeya Dihê ya Sêrtê û li wê derê bi merasîmeke leşkerî hetiye veşartin.
Hat zanîn Yahya Yildiz zewicî ye û zarokekî wî heye.
Wezaretê da zanîn ku teqîn ji ber teqemeniyeke bidestçêkirî çêbûye ku pêştir ji aliyê PKKyê ve hatiye danîn.
“Operasyona Pence-Kilîdê”
Artêşa Tirkiyeyê 17ê Nîsana 2022yan li deverên Zap, Avaşîn û Metînayê yên Başûrê Kurdistanê bi hinceta gerîlayên PKKyê dest bi êrişeke bi navê “Operasyona Pence-Kilîdê” kir û ew êriş heta niha jî berdewam dike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse