Hewlêr (Rûdaw) - PWKyê bûyerên 1915an ên ku Ermenî rastî wan hatin şermezar kirin û ragihand ku “Dewleta Osmanî di sala 1915an de nêzikî 1,5 milyon Ermenî bi awayekî plankirî qetil kirin."
Împaratoriya Osmanî 1915an dest bi qirkirina gelê Ermen kir û li gorî zanyariyan di komkujiya ermeniyan de zêdetirî 1,5 milyon Ermenî ji aliyê leşkerên Osmanî ve hatin kuştin.
Piraniya dîroknasan tevgera Împaratoriya Osmanî ya ji 1915an heta 1923yan a li dijî Ermenî û pêkhateyên din ên etnîkî û olî wekî komkujiyê qebûl dikin.
Partiya Welatparêzên Kurdistanê (PWK) bi boneya salvegera vê komkujiyê peyamek belav kir.
“Jenosîda Ermeniyan qirkirina miletekî ye”
PWKyê di peyama xwe de got:
“Jenosîda Ermeniyan yek ji jenosîdên mezin ên cîhanê ye.
Jenosîda Ermeniyan qirkirina miletekî ye û bi destê Dewleta Osmanî (Rêveberiya İttihat Terakî) ve hatiye kirin.”
PWKyê hemxemiya xwe ji bo gelê Ermenî nîşan da û got:
“Em di 109emîn salvegera jenosîda Ermeniyan de careke din Dewleta Osmanî (Rêveberîya İttihat Terakî) û hemû alîkarên wan bi tundî rûreş dikin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse