Hewlêr (Rûdaw) - Li çiyayên Cûdî û Gabarê yên li parêzgeha Şirnexê ya Bakurê Kurdistanê ji sibe heta 15 rojan qedexe hat ragihandin.
Qedexe di çarçoveya yasaya leşkerî de hatiye ragihandin.
Parêzgariya Şirnexê bi daxuyaniyekê çiyayên Cûdî û Gabarê 15 rojan wekî “herêma ewlehiyê ya taybet” ragihand.
Parêzgariya Şirnexê di daxuyaniya xwe de anî ziman:
“Bi armanca ewlehiya neteweyî, dabînkirina ewlehî û aramiya raya giştî, rêgirîkirina bûyerên tundûtûjiyê û bûyerên neyînî di çarçoveya yasaya 2565 a Herêmên Qedexe yên Leşkerî û yasaya Herêmên Ewlehiyê li Çiyayê Gabarê yê di sînorê navçeya Basayê de û li Çiyayê Cûdî yê di nav sînorên navenda Şirnexê û navçeyên Cizîr û Silopyayê de di navbera 25ê Nîsanê û 9ê Gulanê de 15 rojan qedexe hat ragihandin.”
Parêzgariyê ji welatiyan xwest ku ji bo ewlehiya can û malên xwe neçin herêmên qedexe.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse