Hewlêr (Rûdaw) - Hêzên Sûriyeyê Demokratîk (HSD) ragihand ku hêzên wan li derdora Bendava Tişrînê 6 dron xistine xwarê.
Êrişên Tirkiye û komên çekdar ên nêzikî wê yên li Bendava Tişrînê û Pira Qereqozaqê bê navber berdewam dikin.
Hêzên Sûriyeyê Demokratîk (HSD) li ser êrişan daxuyaniyek belav kir.
HSDyê ragihand ku Tirkiye û komên nêzikî wê li derdora Bendava Tişrînê êrişî xalên wan kiriye û ew hatine têkşikandin.
Li gorî daxuyaniyê, di encama wan êrişan de 3 çekdar hatine kuştin û 2 çekdar jî birîndar bûne.
Di daxuyaniyê de hat diyarkirin ku 6 dron jî hatine xistin ku 3 ji wan bombebarkirî bûne.
Li aliyê din, HSDyê got ku ku li eniya Pira Qereqozaqê, artêşa Tirkiyeyê û çekdarên wê gundên Bîr Hiso û Xaşxaşayê bi giranî topbana kirine û di encamê de zererên madî gihîştine mal û milkên sivîlan.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse