Li Rihayê dîsa lehî rabû

Hewlêr (Rûdaw) - Li navçeya Hewagê ya ser bi parêzgeha Riha ya Bakurê Kurdistanê baraneke zêde bariya û çûnûhatin zehmet bûye.

Her wiha ji ber vê yekê hejmarek cadde û kolan di bin avê de man û welatî rûbirûyê zehmetiyan bûne.

Roja Înê 24ê Adara 2023an li navçeya Hewagê ya ser bi parêzgeha Rihayê ji ber barana zêde hejmarek mal di bin avê de man û ji bo tedbîrên pêwîst bên wergirtin hişyarî hatin dayîn.

Li gor zanyariyan tîmên girêdayî Şaredariya Hewagê bi armanca kêmkirina zerarê dest bi kar kirine û kar û xebata wan berdewam e.

Li navçeya #Hewag a #Riha'yê piştî baraneke bihêz lehî rabû.#Lehî pic.twitter.com/sBBIGiJh6S

— RudawKurdi (@RudawKurdi) March 24, 2023

Saziya Keşnasî ya Tirkiyê ji bo parêzgehên Çewlig, Mûş, Erzîngan û Dêrsimê yên Bakurê Kurdistanê jî bo dema 2 rojan hişyariya barana zêde daye û dibêje ji ber egera lehiyê divê tedbîrên pêwîst bên wergirtin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger