Xwarina ji bo barîna baranê: Zêw

Heseke (Rûdaw) - Di salên nebûna yan derengketina baranê de, li gelek herêmên Rojavayê Kurdistanê xelk xwarina “Zêwê” çê dikin.

Li herêma Koçeran a li Cizîra Rojavayê Kurdistanê, ji bo barîna baranê xelk daneke xwarinê çêdikin, ku jê re dibêjin “Zêw”.

Zêw li wan herêman kevneşopiyke naskirî ye û xelkê gund ji mezin heta biçûkan lê amade dibin, û diayan dikin ku Xwedê baranê bibarîne.

Şivan Merî diyar kir ku ew weke niştecihên gund bi hev re li ciheke xwarina Zêw dixwin û ji bo barîna baranê diayan dikin.

Di  xwarina Zêwê de, bêhtir zarok beşdar dibin, ji ber ku li gorî baweriya xelkê gunehên wan tunene, û dibêjin dê xwedê diayên wan qebûl bike û baranê bibarîne.

Li Herêma Aliyan li gundê Gundikê Murad, ji ber derengketina baranê Zêw hate çêkirin.

Di vê Zêwê de, xelkê bi diayan ji Xwedê xwestin ku baranê bibarîne û berhemên îsal geş û xweş bike.

Nivîsîn: Aydin Bayram

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger