Hewlêr (Rûdaw) - Li bajarokê Hoxikê yê Xarpêta Bakurê Kurdistanê hinek kesan bi çekan êrişî çayxaneyekê kir û di encamê de 3 kes birîndar bûn.
Derengiya şeva borî, li Taxa Baglerê ya bajarokê Hoxikê hinek kes bi otomobîlê çûn ber çayxaneyê û wan bi çifteyan gule li çayxaneyê reşandin.
Piştî êrişê ew kes ji cihê bûyerê reviyan.
Di encamê de sê kesên bi navên M.A.,R.Ç. û A.Ç. birîndar bûn.
Li ser agahdarkirinê tîmên tenduristiyê û cendirme çûn cihê bûyerê.
Tîmên tenduristiyê birîndar bi ambulansan veguhastin nexweşxaneyên bajêr.
Heta niha kesên êrişkar nehatine desteserkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse