Hewlêr (Rûdaw) - Hevseroka Partiya Demokratîk a Gelan (HDP) a Şaxa Mûşê Bermal Nergiz, hat desteserkirin.
Hêzên ewlehiyê yên Tirkiyeyê, li parêzgeha Mûşê ya Bakurê Kurdistanê, îro bi ser gelek malan de girt û çend kes desteser kirin.
Di operasyonê de Hevseroka HDPyê ya Şaxa Mûşê Bermal Nergiz jî hat desteserkirin.
Polîsan deriyên mala Nergizê şikandin û bi zorê ketin mala wê.
Polîsan Nergiz ji bo karên îfadewergirtinê bir Rêveberiya Ewlehiyê ya Mûşê.
Li aliyê din, heta niha nayê zanîn çend kes hatine desteserkirin.
Li Tirkiye û Bakurê Kurdistanê, hêzên ewlehiyê rojane bi ser malan de digirin û bi “hinceta PKKyê” xelkê sivîl û siyasetmedarên Kurd desteser dikin.
Herwiha îro li Stenbolê endamê Meclîsa Rêveberiya DBPyê Alî Gultepe û endamê HDPyê Cuneyt Yeşîlyurt hatin desteserkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse