Hewlêr (Rûdaw) - Li navçeya Goksunê ya parêzgeha Mereşê bi hêza 4.6 pileyan erdhejek çêbû.
Li bajarên derdorê jî hest bi erdhejê hat kirin.
Piştî erdhejên 6ê Sibatê yên Mereşê li Bakurê Kurdistan û Tirkiyeyê erdhejên paşekî berdewam in.
Serokatiya Rêveberiya Karesat û Rewşên Bilez (AFAD) ragihand ku îro erdhejek li parêzgeha Mereşê ya Bakurê Kurdistanê çêbûye.
Li gorî AFADê, erdhej li navçeya Goksunê ya Mereşê di demjimêr 11:22yan de çêbûye û hêza wê 4.6 pile bûne.
AFADê diyar kir ku kûrahiya erdhejê 8,5 kîlometre bûye lê li gorî Rasatxaneya Kandilliyê erdhej bi hêza 4.5 pile û kûrahiya wê jî 7,5 kîlometre bûne.
Li ser zererên erdhejê heta niha ti zanyarî nehatine dayîn lê tê gotin ku li bajarên derdorê jî hest bi erdhejê hatiye kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse