Hewlêr (Rûdaw) - Parlamenterê berê yê HDPê Ferhat Encu li ser parvekirinên derbarê wî de li Şaredarê Agiriyê yê Ak Partiyê Savci Sayan gilî tomar kir. Ferhat Encu ji Rûdawê re got, ”Piştî gefên wî, min îro bi rêya parêzerê xwe li dozgeriyê li dijî Savci Sayan gilî tomar kir.”
Nîqaşên li ser diyarkirina muxetabê pirsa Kurd ev çend roj in li Tirkiyê û Bakurê Kurdistanê yek ji mijarên sereke yên rojevê ye.
Li ser vê yekê nîqaş di navbera çendîn siyasetmedaran de derdikevin. Herî dawî yek ji wan nîqaşan 22ê Îlonê li ser Twiterê di navbera parlamenterê berê yê Partiya Demokratîk a Gelan (HDP) yê Şirnexê Ferhat Encu û Şaredarê AK Partiyê yê Agiriyê Savci Sayan de derket.
Savci Sayan roja 22ê Îlonê derbarê mijara muxatabê “Pirsa Kurd” li ser hesaba xwe ya Twiterê amaje bi wê dabû ku muxatabên sereke yên Pirsa Kurd ew in û gotibû, ”Yek dibêje muxatab Qendîl e, yê din dibêje Îmralî û HDP, lê muxatabê sereke kurdên wek me ne ku ev 40 sal in ji bo yekitiya welat û biratiyê, li dijî zilma Îmralî û HDPê têkoşînê dikin. Kesê bi aqil be li ti muxatabek din nagere. Kesên ku hizreke wan a dijî vê yekê hene, dixwazin Kurdan biavêjin agir û welat jî bikin Sûriye.”
Parlamenterê HDPê Ferhat Encu jî li ser hesaba xwe yê Twiterê bersiva wê peyama şaredarê Agiriyê Savci Sayan da û got, “ Muxatabbûna te radestbûn û îtaatkirin e. Tu kesekî, ku te dev ji nasnameya xwe berdaye û tenê ji bo ku bijî jiyan tercîh kiriye.”
Di bersiva xwe de şaredarê AK Partiyê Savci Sayan sivkayetî bi parlamenterê HDPê kir û got, “Ez hewl didim ji bo çand ziman, ax û welatê xwe xizmetê bikim. Tu li ku yî? Te guleya keleşê layîqî ciwanên kurdan dît û malên ji keştiyan layîqî xwe dîtin" û herwiha gef li Encu xwar, "Ez dê zimanê te bibirim.”
Ben kültürüme, dilime, toprağıma, ülkeme hizmet ediyor çalışıyorum.
— Savcı Sayan 🇹🇷 (@SavciSayan) September 22, 2021
Sen nerdesin? Kürt gençlerine keleş namlusunu, kendine yat kamarasını layık gören it niye kaçtın..
Havlama senin dilini keserim https://t.co/9QWaUi8LXy
Li ser vê nîqaşa di navbera Ferhat Encu û Savci Sayan de Rûdaw bi herdu aliayan re axivî.
Ferhat Encu ku di peyama Savci Sayan de gef li wî hatiye xwarin ji Rûdawê re tekez kir ku wî li dijî gotinên Savci Sayan bi rêya parêzerê xwe doz vekiriye û got, “Savci Sayan gef li min xwar û got ez dê zimanê te bibirim. Min jî îro bi rêya parêzerê xwe li dijî wî gilî tomar kir.”
Senin muhataplığın teslimiyet ve biattır. Kültüründen, dilinde, kimliğimden vazgeçmiş sadece yaşamak için yaşamı tercih etmiş birisin. https://t.co/ivOHeoLOg3
— Ferhat Encu (@FerhatEncu) September 22, 2021
Herwiha Ferhat Encu diyarkir ku heta niha Savci Sayan li ser wan gotinên xwe daxwaza lêborînê jî ji wî nekiriye.
Li aliyê derbarê mijarê de berdevkê çapemeniyê yê şaredariya Agiriyê jî ji Rûdawê re eşkere kir ku wê hesabê Twiterê serokê şaredariyê Savci Sayan bixwe bikartîne û got, Li ser nîqaşa di navbera Ferhat Encu de brêz Savci Sayan bi xwe dê daxuayaniyekê bide çapemeniyê.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse