Tirkiyeyê dîsa êrişî Gelaleyê kir!
Hewlêr (Rûdaw) – Tirkiyeyê careke din bi balafirên şer êrişî gundê Gelaleyê yê Şarbajêrê kir.
Bombebaranê îro saet 07:13an dest pê kir.
Êrişan li qezaya Çiwartayê ya herêma Şarbajêrê ya Silêmaniyê rû daye û cihê ku hatiye bombebarankirin bilindahiyeke bi navê Baskî Qelê ya gundê Gelaleyê ye.
“Ti ziyanên canî nînin”
Berpirsê CPTyê Kameran Usman li ser êrişê ji Rûdawê re got:
“Bombebaran bi balafirên şer hatiye kirin û ti ziyanên canî nînin.”
Divê were gotin ku heman dever doh jî du caran bi balafirên şer hatibû bombebarankirin.