Hewlêr (Rûdaw) – Polîtburoya Yekîtiya Niştimaniya Kurdistanê (YNK) civînek pêk anî û li ser rojevê çend biyar dan û hat ragihandin: “YNK li ser aktîvkirina Parlementoyê beriya pêkanîna giştpirsiyê, rijd e.”
Êvara roja çarşemê 23ê Tebaxa 2017an li Hewlêrê bi serperiştiya Cîgirê Yekem ê Sekreterê Giştî yê YNKê Kosret Resûl, polîtburoya YNKê civîna xwe ya asayî pêk anî.
Li gor daxuyaniya YNKê di civînê de bi giştî hemû pirsên siyasî hatiye gotûbêjkirin û çend biryar hatine dayîn.
Biryarên Polîtburoya YNKê ev in:
1- Yekîtiya Niştimaniya Kurdistanê li ser aktîvkirina Parlementoya Kurdistanê beriya pêkanîna referandumê, rijd e.
2- Serkirdayetiya hevbeş a YNK û Tevgera Goran di demeke herî nêzîk de dê bicivin û hewldaneke din a niştimanî dê bidin ji bo çareserkirina pirsgirêkan û lêgerîna rêya guncaw a çareseriyê.
3- Referandum û mafê diyarkirina çarenûsa xwe, mafekî siruştî, demokratîk û neteweyî yê gelê me ye û di civînê de hemû îhtîmalên pêkanîn, bandor û metirsiyan hatiye gotûbêjkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse