Tirkiyeyê êrişî Minbicê kir: Kuştî û birîndar hene

Hewlêr (Rûdaw) – Ofîsa Ragihandinê ya Bakur û Rojhilatê Sûriyeyê ragihand ku Tirkiyeyê gundên Kantona Minbicê topbaran kirine.

Li gorî daxuyaniyê, gundê Osecliyê hatiye topbarankirin û ji heman malbatê 4 kes birîndar bûne.

Tirkiyeyê herwiha gundê Um Setihê jî topbaran kiriye û di vê êrişê de jî jinek hatiye kuştin.

Tirkiye ji 5ê Çiriya Pêşîna 2023yan ve bi awayekî dijwartir êrişî Rojavayê Kurdistanê dike.

Gelek caran saziyên sivîl û yên xizmetguzariyê dike hedef û êrişên Tirkiyeyê gelek caran jî dibin sedema mirina sivîlan.