Li dijî şîrketên ku sotemenî vediguhezînin baregehên leşkerî operasyon

Navenda Nûçeyan – Li Bakurê Kurdistanê li dijî şîrketên ku sotemeniyên weke benzîn û gaz vediguhezînin baregehên leşkerî, operasyon hate lidarxistin û di encama operasyonê de bi îdiaya ku pêwendiya wan bi PKK û KCKê re heye 46 kes hatin desteserkirin.

Fermandariya Cendirmeyan a Êlihê daxuyaniyek da û têde aşkere kir, ku îro li bajarên Êlih, Colemêrg, Şirnex, Mêrdîn, Bedlîs, Sêrt û Sêwasê operasyon hatine lidarxistin.

Di daxuyaniyê de hatiye destnîşankirin, ku Wezareta Berevaniya Tirkiyê, li Bakurê Kurdistanê li dijî xwedî û karmendên şîrketên ku sotemeniyê vediguhezînin baregehên leşkerî operasyon hatiye li darxistin û di çarçoveya operasyonê de 46 gumanbar hatine desteserkirin.

Hatiye îdiakirin, ku ev kes ji PKK û KCKê re alîkariya darayî dikin û ji ber vê jî li gor yasaya 5607 operasyon hatine pêkanîn. 

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger