Hewlêr (Rûdaw) - Li navçeya Cizîrê ya ser bi Şirnexê li Bakurê Kurdistanê otomobîlek û kamyonetekê li hev qelibîn û di encamê de 2 kesan canê xwe ji dest dan û 8 kesên din jî birîndarbûn.
Otomobîla bi plaqeya 01 AJH 845 a ku ajokarê wê Mehmet Şah Seçkin, li ser rêya Cizîr-Hezexê, ji piştê ve li kamyoneta bi plaqeya 34 EVV 239 a kompaniya DEDAŞê da.
Di encamê bûyera trafîkê de ajokarê otomobîlê Mehmet Şah Seçkin û Mesut Arsokay (13) yê di otomobîlê de li cihê bûyerê canê xwe ji dest dan û 8 kesên din jî birîndar bûn.
Li ser agahdarkirinê tîmên agirvemirandinê, polîs û tendirustiyê bo cihê bûyerê hatin şandin.
Birîndar bo Nexweşxaneya Dewletê ya Cizîrê hatin veguhestin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse