Hewlêr (Rûdaw) – Tevî ku li Herêma Kurdistanê û Iraqê hêj ti haleteke tûşbûna bi vîrusa Koronayê nehatiye tomarkirin, lê belê ji ber tirsa ji vîrusê, nirxên maskeyan bilind bûye, ji ber wê jî hikûmetê tedbîrên xwe tund kirine û hejmarek dermanxane hatin cezakirin.
Li Herêma Kurdistanê û Iraqê çi haletên tûşbûna bi vîrusa Korona nehatine tomarkirin. Lê tirseke mezin li nav xelkê peyda bûye û taybet piştî ku li Îranê haletên tûşbûn û mirina bi vê vîrusê hatin tomarkirin.
Li aliyekê din, ji ber tirsa ku di nava xelkê de peyda bûye, li Herêma Kurdistanê krîza mask û kelûpelên pizîşkî çê bûye.
Herwiha têkildarî metirsiyên vîrûsa Koronayê û tedbîrên ji bo rûbirûbûna vê vîrusê,Çarşema bihê, Civata Wezîran a Herêma Kurdistanê dicive.
Parêzgarê Silêmaniyê, Heval Ebûbekir ragihand, ew rê nadin kes di bazarn de kelûpelên pêwîst ihtîkar anku qorix bike, buhay wan giran bike û dê li çarşema tê, encûmena wezîran biryarê li ser tedbîrên serderiya ligel rewşê bide.
Li parêzgeha Duhokê jî, qaymeqam û hejmareke berpirsên din ên wê parêzgehê, li nava bazara dermanan û dermanxaneyan geriyan û kesên ku buhayê maskeyan zêde kirine, yan jî li gorî kalîteyan berhem neanîne, hatin cezakirin.
Qaymeqamê Duhokê Cewher Elî ji Rûdawê re ragihand, hin kesan nirxê maskeyan bilind kirine û ew kes hatine cezakirin.
Cewher Elî diyar kir, herwiha hinek dermanxaneyan jî bê beramber maske dane xelkê ku ev jî ji bo wan helwestekî gelek mirovane ye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse