Tirkiyê li Kobanî santrala avê topbaran kir: Birîndar hene

Hewlêr (Rûdaw) - Artêşa Tirkiyê santrala avê ya li gundê Şiyûx ê Kobanî ya Rojavayê Kurdistanê topbaran kir.

Artêşa Tirkiyê sentrala avê li gundê Şiyûx li rojavayê Kobanî topbaran kir, di encamê de 3 karmend birîndar bûn û ji bo nexweşxaneya Kobanî hatin birin, her wiha otomobîleke wan jî bi temamî hate şewitandin.

Nasnameyên karmendên ku birîndar bûne, Fadil Bazar ê 49 salî, Bozan Şêx Nebî ê 48 salî û Mislim Hemo yê 55 salî ye.

Ev demek e Tirkiye gefa êrîşa bejahî li Kobanî, Minbic û Til Rifetê dixwe û bi berdewamî gundên rojavayê Kobanî topbaran û bombebaran dike.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger