Qers: Ji otomobîleke biçûk 14 koçber derketin

RÛDAW

Hewlêr (Rûdaw) - Li navçeya Dîgor a ser bi parêzgeha Qersê ya Bakurê Kurdistanê, îro 22ê Kanûnê di otombîlekê de 14 koçberên Afganî hatin desteserkirin.

Tîmên Fermandariya Cendirmeyan a Qersê û Fermandariya Cendirmeyan a Dîgorê, îro 22ê Kanûna 2022an li navçeya Dîgorê di kontrola rê de li ser gumanê otombîlek rawestandin. Di pişkinîna nav otombîlê de 14 koçberên Afganî hatin desteserkirin.

Her wiha şofêrê otombîlê jî bi hinceta "qaçaxçitiya koçberan" hat desteserkirin.

Koçber dê piştî karûbarên yasayî bo Îdareya Koçê ya Qersê bên radestkirin.