Hewlêr (Rûdaw) – Serok Mesûd Barzanî li Hewlêra paytext Wezîrê berê yê Xorak, Çandinî û Ajeldariyê yê Tirkiyeyê Mehdî Eker qebûl kir.
Serok Barzanî li navçeya Pirmamê, Wezîrê berê yê Xorak, Çandinî û Ajeldariyê yê Tirkiyeyê û Serokê Desteya Rêveber a Navenda Stratejî û Siyaseta Çandiniyê (TARPOL) Mehdî Eker qebûl kir.
Baregeha Barzanî li ser hevdîtinê daxuyaniyek belav kir.
Hat ragihandin ku di hevdîtinê de pêwendiyên Tirkiye û Herêma Kurdistanê, pêşxistina pêwendiyên her du aliyan û rewşa giştî ya navçeyê hatin gotûbêjkirin.
Derbarê civînê de Konsulxaneya Tirkiyeyê ya Hewlêrê jî got:
“Wezîrê berê yê Xorak, Çandinî û Ajeldariyê yê Tirkiyeyê birêz Mehdî Eker îro bi serdaneke nezaketê çû cem Serokê PDKyê Mesûd Barzanî.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse