Hewlêr (Rûdaw) - Saziya Keşnasiyê ya Tirkiyeyê ji bo hinek bajarên Bakurê Kurdistanê hişyariya berf û barana gur da.
Li Bakurê Kurdistanê bi hatina demsala payîzê re, barîna baran û berfê zêde bûye û Saziya Keşnasiyê jî hişyarî da.
Saziya Keşnasiyê îro ragihand ku tê texmînkirin li parêzgehên Erzirom, Sêwaz û Bedlîsê yên Bakurê Kurdistanê barana gur û berf bibarin.
Her wiha li parêzgehên Wan, Qers, Sêrt û Êlihê jî barana gur dibare û li hinek cihên bilind jî berf dibare.
Li Qers û Erdexanê jî baran bariya û pişt re hewa sar bû û berf bariya.
Li Bakurê Kurdistanê serma roj bi roj zêdetir dibe û tê çaverêkirin pileyên germê ji îro û pê de dakevin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse