Hewlêr (Rûdaw) - Li parêzgeha Rihayê ya Bakurê Kurdistanê şeva borî agir bi malekê ket û zilamekî kal canê xwe ji dest da û hevjîna wî jî birîndar bû.
Li Taxa Cengîz Topelê li qata duyem a avahiyekê ji ber sedemeke nediyar şewat derket.
Li ser agahdarkirinê, tîmên tenduristiyê, tîmên parastina sivîlan û polîs çûn cihê bûyerê.
Tîman agir vemirand lê di bûyerê de kesekî bi navê Fethî Kaban ê 80ê salî mir û hevjîna wî Îslîm Kabana 78 salî jî birîndar bû.
Tîmên tenduristiyê Îslîm Kaban bir Nexweşxaneya Dewletê ya Balikligolê û ew li wê derê tê dermankirin.
Li aliyê din, lêkolînên derbarê sedema derketina agir jî berdewam dikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse