Hewlêr (Rûdaw) - Li navçeya Curnê Reş a parêzgeha Rihayê ya Bakurê Kurdistanê di navbera du malbatan de pevçûna bi çekan derket.
Di vê pevçûnê de 2 kes hatin kuştin û 5 kes jî birîndar bûn.
Li gorî agahiyan, şeva borî li gundê Xirabsorka Zîna yê Curnê Reş di navbera du malbatan de şerê bi çekan çêbûye û 7 kes birîndar bûne.
Li ser agahdarkirinê tîmên tenduristiyê û polîs çûne cihê bûyerê.
Tîmên tenduristiyê her 7 birîndar birine Nexweşxaneya Dewletê ya Curnê Reş û nexweşxaneyeke li navenda Rihayê.
2 birîndar li nexweşxaneyê mirine û tedawiya her 5 birîndarên din berdewam dike.
Hat ragihandin ku heta niha 31 kes hatine desteserkirin.
Li hêla din, hat zanîn ku berê dijminatiya her du malbatan hebû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse