Hewlêr (Rûdaw) - Li gor zanyariyên bi dest Rûdawê ketine, îro Çarşemê di saet 16:30an de bi mûşekekê êrîşî baregeha leşkerî ya Tirkiyê ya li nahyeya Bamernê ya navçeya Amêdiyê ya Duhok a Herêma Kurdistanê hat kirin.
Li gorî çavkaniyeke ewlehiyê, mûşek li derveyî baregehê ketiye û kuştî û birîndar nînin.
Ev êrîş di demekê de ye ku baregeha leşkerî ya Tirkiyê di 26ê Gulanê de jî hatibû armanckirin, di encamê de 2 zarokên ku bi malbatên xwe re ji bo seyranê li Bamernê bûn canê xwe ji dest dan û kesek jî birîndar bû.
Rêveberiya parêzgeha Duhokê, PKK bi wê êrîşê tohmetbar kir lê HPGê ew yek red kir.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse