Hewlêr (Rûdaw) - Hikûmeta Denmarkê biryar daye ku malbatên DAIŞê yên hilgirên regeznameya Denmarkî ne û li bakur û rojhilatê Sûriyê girtî ne vegerîne.
Hikûmeta Danîmarkê ev biryara xwe bi wê behaneyê derxistiye ku metirsiya wê yekê heye zarokên wan malbatan bîr û baweriyên tundrewiyê hilgirin eger li wan kampên bakur û rojhilatê Sûriyê bimînin.
Hikûmeta Dnîmarkî ya sosyal demokrat ji bo demeke dirêj li dijî vegerandina wan malbatan bû, lê bi gotina wê, ji bo parastina zarokan ji bûr û baweriyên tundrew wê ev biryar daye.
Li aliyê din Daîreya Koçberan li Danîmarka, di sala 2019 de, Şam weke bajarekî ewle bi nav kir û got jiyan li wir normal bûye û êdî divê xelkê Şamê vegerine cihê xwe.
Danîmarka heta niha 205 kerta niştecîbûnê welatiyê xelkê şamê ji wan standiye û 1250 kerta niştecîbûnê welatiyê jî lêkolînê li ser dike.
Niha kerta niştecîbûnê ji 461 penaberên Sûrî yên ji bajarê Şamê û 350 penaberên derdora Şamê hatine sitandin, herwiha 50 penaber jî ji aliyê hikûmetê ve ji bo kampê hatine birin, û biryar bi wan hatiye dan ji Denmarkê werin derxistin.
Ji despêkirina şerê navxwe yê Sûriyê heta niha nêzîkî 33 hezar pebnaberên Sûriyê penaberî Denmarkê bûne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse