Mezlûm Kobanî di derbarê êrişên Tirkiyê de daxuyanî da
Hewlêr (Rûdaw) - Fermandarê Giştî yê HSDê Mezlûm Kobanî di derbarê êrişên firokeyên bêfirokvan ên Tirkiyê de got “Tirkiye binpêkirina peymanên navneteweyî yên bi welatên garantor re li dijî herêmên me zêde dike.”
Fermandarê Giştî yê Hêzên Sûriya Demokratîk (HSD) Mezlûm Kobanî li ser hesabê xwe yê Twitterê di derbarê êrişên firokeyên bêfirokvan ên Tirkiyê de daxuyaniyek da.
Mezlûm Kobanî di daxuyaniya xwe de dibêjê “Tirkiye binpêkirina peymanên navneteweyî yên bi welatên garantor re li dijî herêmên me zêde dike. Armanckirina Kobanî, topbarankirina sivîlên bêguneh, kuştina kesayetiyên îdarî bi firokeyên bêfirokevan provokasyon in ku ewlehî û aramiyê dixe metirsiyê û operasyonên li dijî DAIŞê asteng dike.”
Turkey is escalating violations of int'l covenants with guarantor countries against our regions. The targeting of Kobani, shelling of innocent civilians, & killings of administrative figures by drones are provocations that threaten security & peace & hinder anti-ISIS operations.
— Mazloum Abdî مظلوم عبدي (@MazloumAbdi) April 22, 2022
Di êrişên Tirkiyê de 3 endamên YPJ jiyana xwe ji dest dan
Di 20ê Nîsanê de firokeyeke bêfirokevan a Tirkiyê li ser rêya navbera gundên Îdîq û Textikê ya gundewarê Kobaniyê otomobîlek kiribû armanc û di encamê de yek jê fermandar 3 endamên Hêzên Sûriyeya Demokratîk (HSD) jiyana xwe ji dest dabûn.