Hewlêr (Rûdaw) - Li gundê Mistefamîlîkê yê navçeya Serêkaniyê ya Rihayê 3 jin û zarokek ber avê çem ketin û zarokekî 13 salî winda ye.
Li gorî zanyariyên ku Rûdawê ji şêniyên herêmê standine, dema 3 jinan û zarokekî dixwestin ji gundê Ebû Hemedê derbasî gundê Mistefamîlîkê bibin ava Çemê Circipê bilind bûye û ew li ber avê çûne.
Herwiha ew her 3 welatî demekê di çem de asê man û daxwaza alîkariyê kirine.
Herwiha bi alîkariya şêniyên her du gundan jinên bi navên Sadiye Kara (40), Emîne Kara (30) û Yasemîn Çalişkanê (18) hatine rizgarkirin.
Kesên ku hatin rizgarkirin ji bo nexweşxaneyên Qoser û Serêkaniyê hatine veguhestin.
Li gorî zanyariyan zarokê bi navê Davut Kara (13) ber ava çem ketiye û winda bûye.
Herwiha tîmên rizgarkirinê yên AFADê jî çûne cihê bûyerê û dest bi lêgerîna wî zarokî kirine.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse