Li Bakurê Kurdistanê ji ber berfê qeza zêde bûne / Wêne: AA
Hewlêr (Rûdaw) - Berfa zêde, jiyana xelkê li bajarên Bakurê Kurdistanê zehmet kiriye.
Derbenda Çamlibelê ya ku dikeve navbera Sêwazê û bajarê Tokatê yê Tirkiyeyê, rêyeke serekî ye ji bo çûnûhatina barhilgiran.
Ew rê niha ji ber berf û pûkê li ber barhilgiran hatiye girtin.
Hinek barhilgir û otomobîl di rê de mane û şofêr hewl didin rêyekê bibînin ku xwe ji wir rizgar bikin.
Şofêrê Balhilgirekê got:
"Dê bistikeke din makîneya kar bê û hêvîdar im em dê bikaribin derbikevin. Ez ji Karabukê têm. Di barhilgirê de gubre heye diçim Meletiyê."
Li parêzgeha Qersê jî bê navber berf dibare û her der bi rengê sipî xemiliye.
Li bajêr pileya germê daketiye bin sifirê û berfa zêde jiyana rojane ya welatiyan zehmet kiriye.
Welatî Semih Cengiz jî got, “Du roj in berf dibare û îro jî berdewam e. Em serê sibehê rabûn û me otomobîla xwe paqij kir."
Qeza zêde bûne
Herwiha ji ber berf û pûka zêde li piraniya parêzgehên Bakurê Kurdistanê qeza zêde bûne.
Li parêzgehên Wan û Sêwazê tenê di nav rojekê de 53 kes di qezayan de birîndar bûn.
Saziya Keşnasiyê ya Tirkiyeyê hişyarî daye ku dê hefteyekê barîna berfê berdewam be û pileya germê jî 6 heta 8 pileyan dakeve.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse