Hewlêr (Rûdaw) – Serokwezîrê Herêma Kurdistanê Mesrûr Barzanî û Endamê Kongreya Amerîkayê Michael Waltz di pêwendiyeke telefonî de rûdanên vê dawiyê gotûbêj kirin.
Serokwezîrê Herêma Kurdistanê Mesrûr Barzanî û Endamê Kongreya Amerîkayê Michael Waltz pêwendiyeke telefonî pêk anî.
Michael Waltz ji aliyê serokê hilbijartî yê Amerîkayê Donald Trump ve wekî Şêwirmendê Asayişa Netewî hatiye destnîşankirin.
Hikûmeta Herêma Kurdistanê derbarê wê pêwendiya telefonî de daxuyaniyek da.
Li gorî daxuyaniyê Mesrûr Barzanî û Michael Waltz pêşhatên dawî yên li Îraq û Herêma Kurdistanê, guherînên herêmî, bihêzkirina pêwendiyên dualî û parastina ewlehî û aramiyê gotûbêj kirin.
Mesrûr Barzanî bi boneya posta wî ya nû pîrozbahî li Waltz kir û têgihiştina wî ya kûr ji bo ewlehî û pêwendiyên navçeyê bilind nirxand.
Her wiha her du aliyan encamên hilbijartinên vê dawiyê û bandora wana li ser Herêma Kurdistanê û Amerîkayê nirxand û tekez li ser giringiya guherînên demokratîk kirin.
Di heman demê de wan bal kişande ser wê yekê ku pêwîst e hevkarî navdewletî zêdetir bibe.
Her wiha hat ragihandin ku her du alî ji bo hevkarî û domandina aramiyê îstiqrarê li ser rûbirûbûna kêşeyên hevpar li hev kir.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse