Hewlêr (Rûdaw) - Li navçeya Silopî ya ser bi parêzgeha Şirnexê ya Bakurê Kurdistanê nêzîkî Deriyê Sînorî yê Îbrahîm Xelîl şofêrê barhilgirekê rastî êrîşa çekdarî hat û di encamê de canê xwe ji dest da.
Li gor agahiyan roja Çarşemê 21ê Kanûna 2022an li navçeya Silopî ya ser bi parêzgeha Şirnexê nêzîkî Deriyê Sînorî yê Îbrahîm Xelîl (Xabûr) ê di navbera Bakur û Başûrê Kurdistanê çend kesên ku nasnameya wan nehatiye diyarkirin bi çekan êrîşî şofêrê barhilgirekê kirine û di encamê de şofêrê bi navê Aras Nayci yê 31 salî birîndar bûye.
Li ser agahdarkirinê tîmên tendirûstiyê çûne cihê bûyerê û şofêrê birîndar bo Nexweşxaneya Dewletê ya Sîlopiyê hatiye veguhestin lê tevî hemû midexaleyan Aras Nayci li nexweşxaneyê canê xwe ji dest daye.
Li gor zanyariyan derbarê bûyerê de 5 kes hatine desteserkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse