Hewlêr (Rûdaw) - Li parêzgeha Mêrdînê 2 kom li ber dadgehê bi çekan pev çûn 4 kes birîndar bûn.
Pevçûna çekdarî ya li ber Dadgeha Mêrdînê ji aliyê kamerayên çavdêriyê ve hat tomarkirin.
Bûyerê derdora seat 14:00an li ber Dadgeha Mêrdînê rû da.
Piştî rûniştina dozekê di navbera 2 koman de nîqaş derket û nîqaş veguherî pevçûnê.
Li gorî zanyariyan ji ber pevçûnê yek jê parêzer 4 kes birîndar bûn.
Navên birîndaran wiha ne; Aslan T. (42) Muhammed A. (20), Burhan A. (45) û Mehmet Saît A. (52).
Li gorî zanyariyan tohmetbar bi wesayîtê ji cihê bûyerê reviyane.
Li ser agahdarkirinê tîmên tenduristiyê û polîs çûn cihê bûyerê.
Tîmên tenduristiyê piştî mudaxeleyê birîndar birin Nexweşxaneya Perwerde û Lêkolînê ya Mêrdînê.
Hat zanîn ku rewşa birîndaran baş e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse