Li Gurgumê şer: 3 polîs birîndar bûn
Hewlêr (Rûdaw) - Li parêzgeha Gurgumê ya Bakurê Kurdistanê, di navbera polîs û hejmarek gumanbarên tawanê şer derket û di encamê de gumanbarek hat kuştin û 3 polîs birîndar bûn.
Li Mereşê, îro sibehê welatiyek diçe Rêveberiya Ewlekariya Mereşê û bi hinceta li wî dane û pereyên wî bi zorê jê stendine derbarê çend kesan de gilî tomar dike. Tîmên polîs jî lêkolînê didin destpêkirin û bi ser mala gumanbaran de digrin.
Di dema çûna polîsan de gumanbaran bi çek bersiva polîsan dan û şer qewimî. Di encama bûyerê de gumabarek hat kuştin, yek hat desteserkirin û yek jî reviya. Herwiha 3 polîs jî bi guleyan birîndar bûn.
Polîsên birîndar ji aliyê tîmên tendirustiyê ve bo nexweşxaneyê hatin veguhestin û hat ragihandin rewşa wan baş e.