Fermandarê Pêşmerge: Êrîşa DAIŞê hate têkbirin

Kerkûk (Rûdaw) – Berpirsê Eniya Rojavayê Kerkûkê Kemal Kerkûkî ragihand ku êrîşa çekdarên DAIŞê ya li eniya rojavayê Kerkûkê hatiye têkbirin.

Kemal Kerkûkî derbarê êrîşa çekdarên DAIŞê ya li navenda bajarê Kerkûkê û eniya rojavayê bajêr agahî dane Rûdawê û ragihand: “Îro danê sibê çekdarên DAIŞê bi hawin û rokêtan êrîşê çeperên pêşmergeyan kir. Lîwaya 2 Lîwaya 6 û Fermandeyê Kerkûkê bi tundî bersiv da êrîşa DAIŞiyan.”

Kerkûkî got: “Hinek çekdarên din çûbûne nav gundên Dubizê. Hinek ji wan çekdaran xelkê wan gundan bûn. Piştî şerekî mezin Hêzên Pêşmerge karî wan çekdaran bikuje û gudan kontrol bike.”

Fermandarê Pêşmerge got ku hinek çekdarên DAIŞê jî çûne nav gundê Qeretepe ku ev gund vala bûye û ragihand, “Dora wan jî hatiye girtin. Dê di satên pêş me de ew jî bên jinavbirin.”

Kerkûkî da zanîn ku rewşa li vî eniyê bi temamî aram e û di bin kontrola Hêzên Pêşmerge de ye.

Kemal Kerkûkî herwiha derbarê êrîşa DAIŞiyan a nav bajarê Kerkûkê jî nirxand û got: “Ew şaneyên nêhînî yên DAIŞê ne. Herwiha xelkê ereb ên nav Kerkûkê jî piştgiriya wan dike û rê ji wan re xweş dike.”

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger