Hewlêr (Rûdaw) – Komîsyona Hilbijartinan a Iraqê rêjeya beşdarbûna hilbijartinên parlamentoya Kurdistanê heta saet 13:00 bi dema Hewlêrê eşkere kir. Li gorî encamên han, rêjeya beşdarbûnê li Silêmaniyê 50% e ku ji hemû deveran zêdetir e.
Hilbijartinên parlamentoya Kurdistanê heta niha jî didome û hêdî hêdî rêjeya beşdarbûnê tê eşkerekirin.
Li gorî agahiyên komîsyona hilbijartinan, li Dihokê rêjeya beşdarbûnê heta saet 13:00 41% bûye, li Zaxo jî 50%ê xelkê beşdar bûne.
Li gorî daxuyaniya komîsyonê, li Silêmaniyê heta saet 13:00 rêjeya beşdarbûnê 50% bûye û li Hewlêrê jî ev rêje 48% bûye.
Hilbijartinên parlamentoya Kurdistanê ji saet 07:00 bi dema Hewlêrê dest pê kir û dê heta saet 17:00 bidawî bibe.
Komîsyona Hibijartinan beriya niha ragihandibû, eger pêwîst bike dê dema hilbijartinan zêde bikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse