Li gelek navçeyên Rojavayê Kurdistanê baran û zîpik bariya.
Hewlêr (Rûdaw) - Şeva bihorî li gelek navçe û bajarên Rojavayê Kurdistanê baranek xurt û zîpik barî û li hin navçeyan baranê zirar gihande berhemên çandiniyê.
Li gor wan dîmenên ku gihiştine Tora Medyayî ya Rûdawê, şeva bihorî barene xurt li gelek bajar û bajarokê parêzgeha Hesekê bariye.
Li Rojavayê Kurdistanê û navçeyên Rêveberiya Xweser, li Hesekê, Qamişlo, Til Temir, Amûdê, Til Berak, Til Beyder, Dêrezor û Meyadînê baran bariye.
Li gor Rêveberiya Keşnasiya Sûriyê, barana herî zêde li Til Temirê bûye û li wê navçeyê nêzîkî 88 mm baran bariye.
Herwiha li bajarê Hesekê 1.5 mm, li Qamişlo 3 mm, li Til Berak 32 mm, li Amûdê 1.5 mm, Til Beyder 12 mm, Dêrezor 4.3 mm, Meyadîn 2.2 baran bariye.
Li Til Timer û gundewarê wê, barana zêde û zîpikê ziyan gihandiye berhemên çandiniyê yên navçeyê.
Li gor agahiyan, di encama barîna zîpikê û barana zêde de zirar gihîştiye zeviyên çandiniyê yên gundên Um Mesamîr, Şiwêş û Terşe û Til Hefyanê.
Heta niha bi temamî nehatiye zanîn ziyan gihiştiye çend hektar erd û berhemên çandiniyê. Komîteya Çandiniyê ya navçeya Til Temirê hêj bi fermî ti amarek derbarê ziraran de belav nekiriye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse