Hewlêr (Rûdaw) – Wezareta Ewqaf û Karûbarên Olî ya Herêma Kurdistanê ragihand, egereke zêde heye ku roja şembiya bihê yekemîn roja Meha Remezanê be.
Îro yekşembî 21ê Gulanê, Berdevê Wezareta Ewqaf û Karûbarên Olî yê Hikûmeta Herêma Kurdistanê Nebez Îsmaîl di daxuyaniyekê de ji Rûdawê re ragihand: “Em bi wezaretên Ewqaf û Karûbarên Olî yên Erebistana Siûdiyê û Iraqê re di têkiliyê de ne, ji bo diyarkirina yekemîn roja meha Remezanê.”
Nebez Îsmaîl got: “Egera wê çendê zêde ye, ku roja şembiya bihê 27ê Gulana 2017ê yekem roja meha Remezanê li Herêma Kurdistanê be.”
Berdevkê Wezareta Ewqaf û Karûbarên Olî yê Herêma Kurdistanê amaje bi wê yekê jî kir, ku renge roja înê ya bihê 26ê Gulanê jî yekemîn roja Remezanê be û tekez kir:
“Êvariya roja pêncşembiyê em dê yekalî bikin ku yekemîn roja meha Remezanê roja înê ye yan jî roja şembiyê.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse