Hewlêr (Rûdaw) - Li navçeya Cizîrê ya Şirnexê derengiya şeva bihorî di 2 bûyerên trafîkê de 3 kesan canê xwe ji dest dan û 2 kes jî birîndar bûn.
Yek ji bûyeran li ser rêya navbera Cizîr-Nisêbînê û li nêzîk gundê Şûşanê çê bû. Di vê bûyerê de otomobîlek ji kontrolê derket û wergeriya.
Di encama bûyerê de Serdar Kurekçi û hevjîna wî Saliha û xesûya wî Şahide Kurekçî bi giranî birîndar bûn û bo Nexweşxaneya Cizîrê hatin veguhastin.
Li nexweşxaneyê, Saliha û Şahide Kurekçî ji ber dijwariya birînan canê xwe ji dest dan û Serdar Kurekçî şofêrê otomobîlê hêj di bin çavdêriya hûr a pizîşkan de ye.
Bûyera duyem li ser rêya navbera Cizîr-Silopiyê çê bû û mînîbusekû li otomobîlekê da. Di wê bûyerê de jî şofêrê otomobîlê û kesekî pê re birîndar bûn ku bo nexweşxaneyê hatin veguhastin.
Lê belê şofêrê otomobîlê Yusuf Olgun li nexweşxaneyê jiyana xwe ji dest da.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse