Hewlêr (Rûdaw) – Parêzgarê Urmiyê rê nade şaredariyên bajarên Serdeşt û Şino bi Kurdî navên cade û cihên giştî li ser lewheyan binivîsin.
Encûmena Parêzgeha Urmiyê ya Rojihilatê Kurdistanê ji bo çavdêrîkirina navên bajar, cade û cihên giştî civiya. Mijara civînê diyarkirin û nivîsandina 310 navên cade û kolanên navçeyên Şino û Serdeştê bû.
Di civînê de ku qaymeqamên navçeyên Şino û Serdeştê jî amade bûn, biryar hat dayîn ku navê 236 kolan û cadeyên û 15 taxên navçeya Serdeştê were guhertin û navê 74 kolan û 14 taxên nû yê navçeya Şino jî hatin danîn.
Cîgirê Parêzgarê Urmiyê Terqî Kehoriyan di civînê de got: “Gerek navên kesayetiyên îslamî, şehîdên Komara Îslamî ya Îranê û zanayên navçeyê li ser cihên giştî bên danîn.”
Terqî Kehoriyan herwiha anî ziman “ji bo parastina yekparçeya siyasî û kultûrî ya Îranê”, gerek navên wan cihan tenê bi Frasî bin. Kehoriyan bi wî awayî nivîsina Kurd red kir ku şaredariyan xwestibû navê hinek navnîşanan bi Kurdî bê nivîsandin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse