Hewlêr (Rûdaw) - Li navçeya Kanîreşê ya parêzgeha Çewligê ya Bakurê Kurdistanê, masîgir di nav berf û sermayê de masiyan digirin.
Li gundê Çataxê yê Kanîreşê di nav berf û sermaya zêde de welatî torên xwe davêjin Çemê Periyê û masiyan digirin.
Masîgir, masiyên ku digirin li navenda Kanîreşê difiroşin û dibêjin daxwazeke zêde li ser masiyên Çemê Periyê heye.
Masîgir Bedrî Cavuldak anî ziman:
“Masiyên Çataxê, zivistanan li ser sifreyan kêm nabin. Masiyên Çataxê navdar in. Ji aliyên Erziromê, wekî din ji aliyê Çewlig û Gimgimê tên li Kanîreşê masiyan dikirin.
Masî taze ne û her malbatek 4-5 kîloyan dikire. Heta meha Nîsanê ji ser sifreyan kêm nabin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse