Li Sine xwandina master a Ziman û Wêjeya Kurdî dest pê dike

Hewlêr (Rûdaw) - Qonaxa xwadina master a Ziman û Wêjeya Kurdî li Zanînegha Kurdistanê li parêzgeha Sineyê tê vekirin.

Serokê Beşa Ziman û Wêjeya Kurdî ya Zanîngeha Kurdistanê li bajarê Sineyê, Dr. Bextiyar Secadî ragihand, ji sala bihê ve qonaxa master a xwandina Ziman û Wêjeya Kurdî li Zanînegha Kurdistanê li bajarê Sineyê tê vekirin.

Bextiyar Secadî ji Rûdawê re got, hemû amadekarî ji bo vekirina qonaxa xwandina mastera Ziman û Wêjeya Kurdî li Zanîngeha Kurdistanê hatine kirin.

Secadî diyar jî kir, ku Wezareta Xwandina Bilind a Îranê jî ew yek pesend kiriye, ku li Zanîngeha Kurdistanê qonaxa masterê ya Ziman û Wêjeya Kurdî bê xwandin.

Bextiyar Secadî herwiha got, ku daxwaz li ser Beşa Ziman û Wêjeya Kurdî gelek zêde ye û ew beş li zanîngehê yek ji beşên herî serkevtî ye, ku berdewam daxwaza li ser xwandina di vê beşê de zêde dibe.

Serokê Beşa Ziman û Wêjeya Kurdî ya Zanîngeha Kurdistanê destnîşan kir, ku pirtûk û waneyên xwandinê ji bo destpêkirina xwandina masterê di vê beşê de hatine amadekirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger