ÊLIH - Cenazeyên her sê zarokên ku li ber lehiyê çûbûn hatin dîtin

Hewlêr (Rûdaw) - Li parêzgeha Êlihê ya Bakurê Kurdistanê cenazeyên her sê zarokên ku xwişk û birayên hev bûn û li ber lehiyê çûbûn hatin dîtin.

Li parêzgeha Êlihê ya Bakurê Kurdistanê şeva borî piştî baraneke gur li taxên Huriyet, Gultepe, Fatîh, Belde, Şafak, Karşiyaka, Kultur, Çamlitepe û Seyîdanê lehî rabû.

Li wan taxan beşeke cade, kolan, mal û dikanan di bin avê de man.

Li taxa Seyîdan jineke 54 salî ya bi navê Lalîxan Gulerê û 3 neviyên wê li ber lehiyê çûn û winda bûn, piştî demekê cenazeyê Lalîxan Gulerê hat dîtin.

Sê zarokên xwişk û birayên hev di navbera 1 û 9 salî de bûn.

Ji bo dîtina her sê xwişk û birayan xebatên lêgerînê hatin destpêkirin.

Hat ragihandin ku cenazeyên her sê zarokên bi navên, Asenat (1),  Îsrafîl (5) û Bîrgul Gunerê vê sibehê di encama karûbarên lêgerînê de hatine dîtin.

Li Êliha Bakurê Kurdistanê piştî barana gur lehî rabû

Pîrekê û 3 neviyên wê canê xwe ji dest daye

Nûçegihanê Rûdawê Maşallah Dekak zanyariyên zêdetir dide pic.twitter.com/Eos3YdEEiV

— RudawKurdi (@RudawKurdi) November 20, 2023

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger