Bafil Talebanî: Zû ji xewê rabin werin deng bidin

RÛDAW

Hewlêr (Rûdaw) - Serokê Yekîtiya Niştimanî ya Kurdistanê (YNK) Bafil Talebanî dengê xwe da û got, "Zû ji xewê rabin, werin dengê xwe bidin."

Dengdana giştî ya hilbijartinên Parlamentoya Kurdistanê dest pê kir.

Welatiyên Herêma Kurdistanê îro diçin ser sindoqan û dengê xwe didin.

Serokê Yekîtiya Niştimanî ya Kurdistanê (YNK) Bafil Talebanî li Dibistana Rewşen Bedirxanê ya Silêmaniyê dengê xwe da.

Bafil Talebanî piştî dengdanê bangî dengderan kir û got:

"Hevalên ezîz ên xelkê Kurdistanê, werin deng bidin, zû ji xewê rabin zû."

Di hilbijartinên Parlamentoya Kurdistanê de mafê dengdanê yê 2 milyon û 654 hezar û 169 kesan heye.

Dengdana giştî ya hilbijartinên Parlamentoya Kurdistanê saet 07:00an dest pê kir û dê saet 18:00an bi dawî bibe.