Hewlêr (Rûdaw) - Li parêzgeha Dîlokê ya Bakurê Kurdistanê di bûyereke trafîkê de 5 kesan canê xwe ji dest da û 5 kes jî birîndar bûn.
Li gorî zanyariyan li ser otobana Dîlok-Edene-Mêrsînê, li sînorê navçeya Belkîsê ya Dîlokê minûbûseke rêwiyan û kamyoneteke girêdayî Rêveberiya Rêyên Bejahî li hev qelibîn.
Li gorî agahiyên destpêkê di bûyerê de heta niha 5 kesan canê xwe ji dest daye û 5 kes jî birîndar bûne.
Li ser agahdarkirinê hejmareke zêde ya tîmên tendurustiyê çûn cihê bûyerê û birîndar rakirin nexweşxaneyê.
Hat ragihandin ku karûbarên tîmên tenduristî û berevaniya sivîl li cihê bûyerê berdewam in.
