Hewlêr (Rûdaw) - Li parêzgeha Rihayê ya Bakurê Kurdistanê 4 kes bi îdiaya ku wan li nexweşxaneyekê êrişî 3 bijîşkan kiriye hatin desteserkirin.
Li gorî zanyariyan, li Nexweşxaneya Mehmet Akîf Înanê ya Rihayê di navbera hejmarek kesûkarên nexweşekê û çend bijîşkan de nîqaş derket.
Piştî demekê pevçûnê dest pê kir û kesûkarên nexweş êrişî 3 bijîşkan kir û li wan da.
Polîsên nexweşxaneyê ketin navberê û pevçûn bi dawî bû.
4 kesên ku êrişî bijîşkan kirî hatin destserkirin.
Parêzgarê Rihayê Hasan Şildak li ser hesabê xwe Xê derbarê mijarê de daxuyaniyek belav kir û got:
"Em êrişa li hemberî bijîşkên me yên li Nexweşxaneya Mehmet Akîf Înan bi tundî şermezar dikin û silametiyê bo wan dixwazin.
Gumanbar hatine destserkirin û derbarê wan de karûbarên yasayî hatine destpêkirin. Ez bûyerê ji nêzîk ve dişopînim.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse