Hewlêr (Rûdaw) - Li navçeya Mezmazorê ya Dîlokê ya Bakurê Kurdistanê, şeva borî xizmên nexweşekî êrişî bijîşkekî kir.
Bijîşk di êrişê de bi giranî birîndar bû.
Li nexweşxaneyeke taybet a navçeya Meznaxorê di navbera malbata zarokekî nexweş û bijîşkî bi navê Asadullah Begoglu de ji ber sedemeke nediyar nîqaş derket.
Hinek xizmên malbatê jî hatin nexweşxaneyê û wan bi qayiş û bistên hesinî êrişî Asadullah Begoglu kir.
Di encama bûyerê de bijîşk Asadullah Begoglu, rêveberê nexweşxaneyê Ahmet Sefa Saglik û nobedarê nexweşxaneyê Gokhan Haci Yunus birîndar bûn.
Asadullah Begoglu ji serê xwe bi giranî birîndar bû.
Tîmên tenduristiyê ew rakir beşa nexweşiyên giran a nexweşxaneyê û jiyana wî di metirsiyê de ye.
15 kêl avêtin serê Begoglu û dermankirina wî li beşa nexweşiyên giran berdewam dike.
Ji ber bûyerê çend êrişkar hatin desteserkirin û ew birin Birêveberiya Ewlehiyê ya Dîlokê.
Dîmenên dema êrişê ji aliyê kamerayên ewlehiyê yên nexweşxaneyê ve hatin tomarkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse