Semsûr: Serokê rêxistina DEM Partiyê hat desteserkirin

Hewlêr (Rûdaw) - Li parêzgeha Semsûrê ya Bakurê Kurdistanê Hevserokê rêxistina DEM Partiyê parêzer Yusuf O. bi hinceta “propagandaya PKKyê û daxuyaniyên dijî dewleta Tirkiyeyê” hat desteserkirin.

Di çarçoveya lêpirsîneke Serdozgeriya Komarê ya Semsûrê de îro polîsan bi ser navnîşana Hevserokê rêxistina DEM Partiyê ya Semsûrê Yusuf O. de girt û ew desteser kir.

Hatiye ragihandin ku parêzer Yusuf O. di daxuyaniya 19ê Tîrmehê de “propagandaya PKKyê kiriye û hemebrî dewleta Tirkiyeyê axivî ye” û lêpirsîn di çarçoveya vê yekê de hatiye destpêkirin.

Herwiha piştî karûbarên yasayî hêzên ewlehiyê Yusuf O. bir dadgehê.

Doh Hevserokê rêxistina DEM Partiyê ya Semsûrê Yusuf O. daxuyaniyeke çapemeniyê ya bi navê “Ji dagîrkirin û xiyanetê re na” dabû.